吳卓羲在無綫劇集《學警狙擊》中大玩「無間道」，飾演卧底探員，苗僑偉（三哥）則演大反派，可惜吳卓羲最終身份敗露，兩人在後巷講數時，吳卓羲更被三哥槍傷。吳卓羲坦言拍畢此劇後勤賺外快，計劃買樓做老婆本。
無綫劇集《學警狙擊》昨日凌晨在北角蜆殼街拍外景，該場戲講述飾演警方卧底的吳卓羲，被演反派的苗僑偉發現身份，雙方在後巷講數期間發生衝突。吳卓羲即時取出手槍指向苗僑偉，卻被三哥反擊，將手槍搶過來，在糾纏中吳卓羲被批踭打傷額角。
「戲癮被雨淋熄」
由於昨晚天氣欠佳，不時下大雨，故對拍攝造成影響，吳卓羲苦笑說：「呢個月成日落雨又打風，對拍攝有啲影響，延遲咗收工，唔能夠一氣呵成拍都冇辦法。」三哥也笑說：「啲戲癮斷晒，俾啲雨淋熄晒！」
吳卓羲雖然神高神大，卻敵不過比他年長的三哥，他被打傷後更遭槍傷，不過他大難不死，逃出鬼門關。吳卓羲說：「拍完呢套劇會去賺外快，先同薛凱琪拍一個婚紗廣告，然後再去登台，返嚟再拍新劇，相信下半年冇假放，不過有工作唔放假都冇問題，因為要買樓。」
「老婆有我就夠」
近日與佘詩曼傳緋聞的吳卓羲，已定下買樓大計，夢想是購買三層的獨立屋，他說：「間屋希望喺郊區，因為可以清靜啲。」記者笑問他是否已儲夠老婆本，他說：「冇咁快結婚，不過買樓都係老婆本之一，可能老婆有我就夠，唔使要其他嘢呢！」他坦言希望拍拖，不過結婚還未是時候。
採訪：卓寶花 攝影：陳志嵐
