林嘉欣昨日以代言人身份，出席護膚品牌瑞士葆麗美的活動，汪圓圓及陳逸璇則以嘉賓身份表演舞蹈。身穿MarcJabobs連身裙的嘉欣透露纖瘦了不少，她說：「喺食方面落手，以前因為貪方便，成日食罐頭、微波爐嘢，4月起開始親自下廚，食得健康啲，同埋食完嘢做吓瑜伽，拍戲時就自備飯盒。」
「𠵱家着貼身啲」
嘉欣笑言要買過新衫，她說：「𠵱家要買過新衫，由中碼變番細碼，以前因為肥，咪成日着oversize，入咗行7年，睇番相先知，𠵱家會着得貼身啲。」問到工作近況，她說：「暫時睇緊劇本，因為自己想試吓唔同角色，最想做喜劇，剛嚟香港嗰時拍咗套《我要做Model》，嗰時廣東話唔好，捉唔到節奏會俾人覺得我好寸。」
採訪：JessicaNgan
攝影：RickyIp