與廖碧兒和陳豪同樣是無綫知名情侶檔的胡杏兒及黃宗澤（Bosco），昨日齊齊出席在九龍灣舉行的「星級奇藝運動大挑戰」活動，胡杏兒一身性感運動裝束示人，露出小蠻腰，連黃宗澤也忍不住讚她性感，他說：「真係好性感，我好少見佢咁着，都幾少布。」
拒貼錢畀男人
有傳陳豪與廖碧兒分手皆因女方事業心重，問到Bosco的緋聞女友胡杏兒會否有同樣問題時，他說：「我唔知，我哋只係朋友關係。」會否擔心女友事業心太重？他說：「做得我女友同太太，有冇事業心都唔係太緊要，因為我會養佢。」
至於胡杏兒被問到會否因陳豪與廖碧兒而令她與Bosco的情侶檔工作大增時，她說：「唔好講呢啲。」不過杏兒指女人應趁後生把握光陰賺錢。對於Bosco表示將來會養另外一半，她說：「男人養人係應該，貼錢畀男人絕對唔會發生喺我身上，有經濟條件嘅男人係最吸引。」
採訪、攝影：王崇穎