陶喆前晚到上海以代言人兼評判身份，出席冰力先鋒樂隊選拔賽總決賽，比賽都仲未開始，佢就出嚟演唱，搞到現場氣氛非常熱烈，佢仲同一班參賽嘅樂隊講，如果遇到甚麼困難，即管開聲搵佢幫手喎。另外，大會知陶喆喺本月11號生日，當晚就連同歌迷齊齊夾計玩神秘，突然攞咗個蛋糕出嚟，同陶喆慶祝生日，令佢十分感動，仲一度眼濕濕。