陳自瑤（圖YoYo）、黃德斌、陳霽平同黃長發等，噚日喺銅鑼灣一廚具用品店，宣傳明珠台節目《大城小廚師》。佢哋分成兩組，各自表演刀章廚藝，YoYo話自己煮中菜叻啲，佢話：「中菜比較簡單，所有蒸魚、肉餅呢啲菜式都難我唔到。西餐就差啲因為有太多調味料要配搭。」不過佢話搵男朋友，就想搵個識下廚嘅，一人煮一餐喎。