《哈利波特：混血王子的背叛》（HarryPotterandtheHalf-BloodPrince）將喺11月全球公映，有唔少劇照喺網上曝光。
早前「哈仔」丹尼爾拉德克里夫（DanielRadcliffe）率先披露影片有性愛同毒品場面，導演又強調故事非常黑暗，劇照中絕對感受到呢種氣氛，好彩一眾年輕主角外表越嚟越成熟，至配合到影片嘅風格。
另外，「榮恩」路柏格連特（RupertGrint）今集會孭重飛，佢同「妙麗」愛瑪屈臣（EmmaWatson）嘅戀情會漸趨明朗化，又話會有接吻鏡頭㖭。
劇照中見到榮恩戴住護頭套做魁地奇守門員，佢上幾集叫都只係喺觀眾席嗌生晒打氣，唔知佢落場打波嘅表現如何？