謝婷婷、吳雨霏和CaraG.等昨日現身尖沙嘴海港城，出席護膚品牌Clinique活動，問婷婷是否正式入行，她說：「都未正式，暫時都係出席活動，爸爸都好support，好幫我，畀啲枇杷膏我，教我講嘢慢啲同咬字清楚啲。」
大讚欣宜
對於霆鋒反對她入行，婷婷表示：「呢排都好耐冇見，最近一次係父親節食飯，其實由細到大，媽咪都唔係成日睇住我哋，又唔係一定撞板先會學到嘢，自己都唔係太蠢，佢（指霆鋒）入行時好細，我入唔入行都俾人跟。」問到她是否畢業後遲遲未有工作，才考慮入行，婷婷說：「返香港後都搵過時裝品牌做PR，不過對方覺得我family太高調。」再問到婷婷急於入行是否想幫輕家庭經濟，她說：「搵錢係男人責任，我唔需要搵錢返屋企。」
另外，婷婷又大讚欣宜，她說：「佢好有經驗，可能佢跟住佢媽咪學，由英文、國語、廣東話都好好，好佩服佢，雖然佢細過我，但我有乜都問佢，亦都唔會當佢係競爭對手，香港咁大可以容納我哋兩個。」對於有指她一腳踏兩船，她表示安志杰是霆鋒的好友，發展絕無可能。
採訪：顏英儀
攝影：葉君海