李彩華、「扒女」李依琳、「翻版關之琳」Jocelyn與胞弟Brad及夫婿Anthony等，前晚在中環七號碼頭Watermark出席化妝品牌植村秀派對。
李彩華穿上透視上衣性感到場，她自爆受性騷擾的經歷說：「細個坐火車，有個男人坐喺我隔籬，拉開褲鏈拎嘢出嚟，我即刻彈開讓畀阿婆坐；之後大個坐電車，又試過有男人磨我patpat，我咪即刻走開。」問她現在是否有男友Alex做護花使者，她表示：「真係朋友嚟。」
扒女談癡漢：嚇死我
「扒女」李依琳再度談及纏擾她三年的癡漢，她說：「日前我喺報紙提及佢，佢打嚟表示會原諒我，不過叫我唔好改電話，佢話直到死都唔會放棄。其實佢成日畀錢我，我唔會要，我唔要欠佢任何嘢，佢仲成日送禮物去餐廳，送畀我媽咪，想𠱁我媽咪第時將我嫁畀佢。」問李依琳對方會否視她為性幻想對象？她即大嗌：「唔好嚇死我。」
採訪：梁錦雯
攝影：陳順禎