上年底當兵嘅韓國男歌手張佑赫同組合高耀太成員金鐘民，前日下晝五點幾被發現喺首爾一間醫院出現，探望炒車留醫嘅諧星申正煥。由於佢哋以公益勤務要員身份入伍，照計六點鐘至當值完，加上張佑赫趁金鐘民被記者包圍時鬼祟咁離開，所以佢哋被質疑「蛇王」早走一個鐘。張佑赫嘅事務所解釋嗰日係張佑赫嘅假期，仲話佢一直好遵守服役時間喎。