湯盈盈被指與錢嘉樂同居3個月，更多次夜訪男方居所，昨日湯盈盈出席宣傳活動，更被吳家樂取笑指錢嘉樂好客，其住所是暑假好去處，湯盈盈甜絲絲否認緋聞，但她公開讚嘉樂是好男人，又公然叫嘉樂仔向她展開追求。
湯盈盈、吳家樂、陸詩韻及王君馨等昨日到奧海城出席無綫兒童台舉行的宣傳活動「暑期卡通大爆發」。有報道指湯盈盈與錢嘉樂同居3個月，湯盈盈被發現多次到訪錢嘉樂位於匡湖居的寓所。在昨日活動上，當司儀詢問一眾嘉賓暑假有何好去處時，吳家樂即揶揄台上的湯盈盈說：「你係咪去匡湖居呀？聽人講錢嘉樂好好客，我遲啲都一家人去玩吓！」之後司儀又取笑湯盈盈，指她玩遊戲時一定要同嘉樂（吳家樂）同組，盈盈尷尬苦笑回應：「盈盈樂樂，我哋咪變咗國寶，我要轉組呀﹗」
自稱因病缺席
自前日緋聞傳出後，湯盈盈隨即缺席《疑情別戀》宣傳活動，她昨日解釋說：「我啱啱喺大西洋城返嚟，之前食咗啲生蠔唔舒服，唔係好適宜打wargame。」對於同居傳聞，盈盈笑着否認說：「點會！我有自己屋企，有返去瞓，我好多同事朋友住嗰度，我去係搵朋友，人哋有私隱所以唔講得，唔好誤會，對於新聞都慣，唔係傳呢個就嗰個。」
見面不會尷尬
問到盈盈覺得嘉樂是否好男仔？她含羞答答說：「冇諗過！《掌門人》個個都好錫我，之前因為拍遊戲特輯先畀人點中（追訪），覺得佢係niceguy。」她又表示沒感到嘉樂有意追求，只覺事件好笑。至於若然嘉樂展開追求會否接受，盈盈鬼馬說：「你叫佢追我先啦！」
另外，對被指瞓李珊珊舊床，盈盈表現心平氣和說：「唔介意，啲字眼係咁，雜誌寫到咁先有人睇。」盈盈表示曾與珊珊見過面，就算再見面也會打招呼而不會尷尬。
吳家樂得悉兩人傳出緋聞，他興奮說：「佢（錢嘉樂）都玩得我多，開心事又唔係害人，我會質問佢，盈盈係咪上去佢屋企就唔知，不過TVB好多人住匡湖居，可能探樂小姐啩！」
採訪：張俊銘、攝影：陳志嵐