徐子珊、馬國明和黎諾懿等昨日在樂富宣傳劇集《甜言蜜語》，緋聞男女馬國明和徐子珊被司儀魯振順擺上枱，要求重演接吻戲，但子珊連「借位」都不肯，馬國明只好與黎諾懿借位咀嘴。
後來玩遊戲時，子珊也不肯出手打馬國明的屁股，最後由高鈞賢出手相助。事後馬國明說：「係魯振順益我啫，咁女仔梗係怕醜啲，唔肯玩都好正常，食多幾次檸檬都冇所謂，我哋只係假桃花，大家都知係為宣傳，唔好阻住子珊啲正桃花。」
怕Fans呷醋
談到被指為子珊買車，馬國明笑說：「我𠵱家仲係齋睇未出車。」子珊則說：「我都估唔到咁多人想撮合我哋，馬國明咁多fans喺度，我怕佢哋呷醋呀，佢又點會為我買車吖？如果佢問到，我都會畀啲意見。」此外，黎諾懿被問到陳豪和廖碧兒分手一事，他說：「乜佢哋有認過拍拖咩？我同陳豪前排開劇都唔覺有異樣。」
採訪：何慧斯
攝影：陳順禎