周麗淇（Niki）噚日去咗一個喺將軍澳舉行嘅校園活動，講到有報道話近排𡃁界模特兒上晒位，搞到佢家姐周汶錡同陳嘉容等人行騷慘遭壓價，Niki當然力撐家姐周汶錡，佢話：「年年都有新人出現，我家姐咁有經驗，當然有佢嘅價值啦，況且酬勞呢啲嘢係秘密，根本唔會公開，其他人又點會知呀？以前夠有人話我有幾百萬片酬啦！」