楊千嬅昨日到商台接受訪問，日前她被發現與緋聞男友丁子高同車兼同居，千嬅坦言丁子高任柴可夫司機，但純粹仗義相助，因當日自己於銅鑼灣等不到的士，故他順路載她一程，千嬅說：「好彩唔係影我喺養和落車，一陣又寫我睇婦科，嗰個地址係我契爺契媽住，佢係車我。」千嬅自言眾所周知她與父母同住，強調沒有與丁子高同居，追問她丁子高是否十分體貼，周六晚不去夜蒲而當司機？她續說：「咁啱，我都送番你（指記者）一個月。」
搵Edison訂凉鞋
千嬅坦言現時十分關注國家大事，當記者指娛樂圈盛行婚姻大事，千嬅說：「呢個唔係潮流，唔使胡亂追捧，我會衷心祝福人哋。」問到感情生活是否繼續低調？她笑說：「繼續做好自己份工。」
另外，對有傳他與黎明合不來，要求老闆林建岳開新公司給她與陳冠希（Edison），千嬅表示與黎明間的合約還有一段長時間，現時忙於灌錄新碟，黎明更落重心機去做，她說：「我同Edison近期有關係就係經佢公司訂凉鞋（RoyaleVisvimChristo凉鞋），同埋嚟緊農夫演唱會做嘉賓，唔係訂凉鞋都咁大鑊呀！」
採訪、攝影：馬建華