衞詩和應倡佑將會在差不多的時間推出唱片，昨天兩人一起到新城接受訪問。最近有傳指衞蘭患有厭食症和自閉症，衞詩為家姐解圍說：「佢冇厭食，最近佢日日都要去錄音，我見佢食嘢好normal，早、午餐都有食，只係晚餐食少啲，而且佢仲有去做機（減肥）。」應倡佑也幫口說：「我未見過佢哋厭食，應該唔會喇。佢哋好鍾意食物，冇試過唔食嘢，冇可能囉！」
黎明冇偏心
另外，最近指黎明把衞蘭雪藏而偏心衞詩，衞詩謂：「唔係，上年又有新聞話對家姐好啲。其實因為今年我會出碟先，所以要多啲開會傾唱片嘅嘢。」而之前傳應倡佑女友逼婚，男方否認此事，但昨天見他的頸鏈掛着金色戒指，未知是否與女友的訂情信物。
採訪、攝影：王連連