等了半年，MichaelLau劉米高終於肯為自己交功課，上次DJTommyGardener搭親筆手繪畫，相比今次CSBOOTH15，真係小巫見大巫。出Figure出到搞錶，可算玩到盡，夠晒驚喜。以Sample樣本作主題，錶同公仔齊齊分拆再合成，加埋StanleyKubrick的SK3組合，大抵Michael創意未停的Idea正是Fans一直支持的動力。「鰂魚涌嘅街坊，唔好意思呀！七姊妹道又要排長龍阻住晒喇！」
記者：許維雅
攝影：林栢鈞
首次扮Sample
貫徹整個計劃的Sample理念，Figure都刻意玩樣本試版合成味道，每個所售賣的Figure均顏色不一。以自己的髮型、羊咩鬚作藍本，拼上JamesJarvis薯仔面形，手腳玩盡Futura、Kaws兩位老友的Design。3合體的錶面設計，成為Michael的第一次，鋼面刻意保留未打磨的效果、上下錶帶不同粗幼、手寫日期及簽名等，都係玩味十足的RawFeel設計元素。
（SAMPLE）WATCHFIGURESET
約$3,000左右（7月6日發售）
DetailsCheck
囗右手用上Futura的抓手形態，右腳變成Kaws的圓形鞋。
囗左手用上Kaws的手襪形態、左腳變成一隻Nike鞋。
囗每個Figure的每一部份都會隨意撞上不同顏色，搪膠更刻意不上色，保留樣本味道。
囗錶底刻有Sample字樣、獨立號碼。賣200隻？呢個號碼似乎已經出賣了他，他立刻苦笑：「有幾十隻要留畀朋友，個個都話要一隻。」
劉米高（劉）
蘋果（蘋）
蘋：點解突然會有興趣出錶？目的係搞驚喜？
劉：唔係搞咩驚喜，其實想出錶好多年，01年見X-LARGE玩錶，已經好有衝動想試。後來都有搵人幫我搞過，但效果唔理想，所以放棄咗。直到早排撞番一個舊同學，佢造錶呢行好多年，大家傾傾吓，就搵咗佢幫手償心願。」（之後我多次質疑係咪出玩具出到悶，所以出錶。）佢再次堅持：「唔係！唔係搞驚喜！我真係想出錶好耐㗎喇！」
蘋：整隻錶以Sample作概念，殘殘舊舊咁，此構思從何而來呢？出錶又有何難處呢？
劉：到我話出錶，個朋友帶咗啲錶嘅樣板畀我睇，未打磨嘅外形，感覺獨一無二，於是就有出Sample嘅念頭。其實𠵱家製錶嘅技術好好，之前出唔到，都係夾人嘅問題，我要啲咁唔正路嘅嘢，好彩呢個舊同學知我想要咩，好配合到我。今次仲學到好多關於錶嘅知識，好似鋼錶帶接口位唔可以鬆、錶的唔可以斜等等。
蘋：今次出錶感覺如何？會有其他心水錶款？
劉：好好玩呀！下次目標可能係IWC或者公仔膠錶。
蘋：SK3刻意揀選StanleyKubrick的3套經典作品為主題，佢係你最愛的導演嗎？
劉：係，SK3入面嘅3個角色，都係我最鍾意。StanleyKubrick嘅戲着重美感，Design又靚。其次TimBurton嘅黑色魅力，都係我另一個所欣賞嘅導演。
由07年年尾興起以FreehandStyle畫出Gardener幾位主角，第一次發售親筆大畫珍藏，更誓言希望之後每次出玩具都可以畫幾幅畫賣。今次同樣揀選了3位主角作題材，一千零一幅的真迹，售價應該非一般，待定喎。
電影粉絲加入戰圈
其餘發售的兩套Figure，有長期作戰的Gardener系列及向至愛導演StanleyKubrick致敬的SK3。今次輪到049的籃球王MichaelJordon，一睇打扮及動靜就知係米高佐敦的形態。其餘3個角色都熟口熟面，StanleyKubrick的粉絲必定加入戰團，條長龍有排煩嗱！
Gardener049JORDON
$500（7月5日發售）
「BLACKWHITEORANGEB/W」
「2bb1BB」
《2001太空漫遊》003，用BB外形造出戲內太空人的角色，跟足原著有5套顏色太空衣，但買SK3時就冇得揀，買到邊隻色就要看彩數了。
「FATWESTJACKETFATWEST」
《FullMetalJacket》010，這套1987年繹名為《烈血焚城》的軍事片亦係Michael至愛。
售賣點：MichaelGallery（28113111）
地址：鰂魚涌七姊妹道204號駱氏工業大廈11樓
發售時間：下午3時至晚上8時