BMX單車競速，在今屆北京奧運會上，首次被列為正式比賽項目，香港也有派隊參加，令這項原本在港十分冷門的運動，開始慢慢興起。聽說花式BMX有望成為2012年的奧運項目之一，而這項運動，亦在香港萌芽，雖然未追及國際水平，但全憑一班有心人，漸漸也受人關注。
記者：張一豪
攝影：陳盛臣
張銳鋒
年齡：19歲
玩車經驗：超過4年
戰績：香港單車聯會場地花式BMX比賽冠軍，內地「特步CX場地花式BMX賽」多次獎項
好奇又貪刺激
今年19歲的張銳鋒，據香港單車聯會花式BMX教練阿基說，是眾多車手中最具潛質的一名，他在13歲時，因經常跟哥哥踩單車，偶然看到其他人玩BMX街頭花式，在好奇又貪刺激之下，開始這項冷門運動。「因為越玩越覺得有挑戰性，就變成自己嘅興趣。約4年前，在旺角識到阿基，佢覺得我有潛質，唔止贊助我單車零件，又幫我改善技術，在近兩年仲帶我出去外面參加比賽，令我進步好多。記得初初玩時，參與嘅人唔多，而且只可以喺街頭、公園同斜波玩；𠵱家則多咗場地，玩嘅人亦多咗。」
入門招式
要玩BMX高難度花式，就必先學曉以下3個基本動作。
抽頭馬跳
BMX花式有多種跳躍動作，想玩就要先學會原地抽頭跳起。
抽頭滑行
很多花式講求平衡及連囗性，學識抽頭以單輪滑行，可練平衡力。
凌空轉把
懂得在半空中轉動車把，純熟後就可以做出不同動作。
展實力
空中向後翻騰
阿基話現時香港可以做到這花式的車手不出10人，且大多在有海綿墊的訓練場地進行，在硬地車場做到的不出3人。
要求思考同集中力
據阿基表示，以前玩街頭花式並不易，要在街頭一些斜波或京士柏YMCA會的單車場玩，只是4年前才多了美孚場地，加上收費電視台近年播放不少X-game節目，樂富、柴灣場及粉嶺百和路首個石屎地車場相繼開放後，玩的人才多了。「可能後生仔課餘後無事做，好勝心強，想以BMX高難度花式取得別人認同。呢項運動講思考及集中力，食軟性毒品嘅一定玩唔到，所以跟我玩車嘅一班細路仔都好健康。」
挑選配件裝嵌的私人座駕，費用可由$7,000-$16,000不等，阿基建議初入門的朋友可先由套裝車開始，費用$2,000-$7,000。
護膝$550起
高台護膝（左）保護面大及多了硬護蓋，不及矮台護膝（右）靈活。
單車鞋$450-$500
鞋底的防滑紋比一般波鞋深，可抓實腳踏板，鞋底也比較厚。
頭盔（分半盔、全盔）$400-$1,000
內外層硬膠製，中間以發泡膠及軟線層組成。
玩家幾句
阿B：「玩咗10年，跌斷過手腳好多次，但若做到高難度動作，好有滿足感。」
細路祥：「我今年14歲，玩車1年，覺得好刺激。」
Xempire（27208394）
地址：深水埗楓樹街29號A