早在CLOT出Royale系列時，就事先張揚會有大搞作，只聞樓梯響，等了半年，終於見到真面目。同VISVIM交叉合作推出ROYALEVISVIMCHRISTO別注版，四色絲質凉鞋果然驚人，排隊魔咒即時啓動。順水推舟搞埋onlineshop推加網上限定，JUICE呢鋪翻身作又真係幾響噹噹。
記者：劉明慧
攝影：陳盛臣
Model:Evan@PureModels
人龍圍攻百德新街
人龍分成兩派，早到的排左邊等上樓，右邊就已經有籌但未上得樓，人龍圍攻百德新街。排頭位的一批都已經等了十幾個鐘以上，但等成晚都未必有得買，因為由10點半開始抽，到11點半小記離開時，都只抽中了5個。咁玩法，人龍都照排可也。
10點半開始抽籤，放低籌之後就可以抽紙仔，即時知道有沒有得買鞋。更會登記個人資料，無得再排隊抽過。
Whip2x歲
由噚日排到𠵱家，之前叫朋友幫手排，跟住自己放工過嚟排通宵。我覺得抽籤公平啲，如果先到先得，一定唔夠排隊黨爭。
Joe（右）21歲
阿忠（左）21歲
今朝凌晨1點過嚟排咗10個鐘頭，𠵱家好興奮好開心，4隻色都想要晒，下星期再嚟排過。之前都知道係抽籤，咁都幾好，冇得嘈。
Kelvin19歲（北京人）
本身我就很喜歡Visvim這個牌子，買到自己Size就會自己穿，冇自己Size就可能會賣給朋友。我一班北京朋友都落晒嚟買。
ROYALEVISVIMCHRISTO之售賣機制
除了黃色已推出，其餘3色都未定推出日，初步估計每星期一對。上有政策，下有對策，為打擊排隊黨，亦有特別的售賣機制，要抽籤先買到鞋，就算早一日排隊都未必買到。
1）派籌時間為早上10時。
2）抽籤時間為早上10時30分。
3）抽中籤者於下午1時買鞋。
未出先炒絲綢四色Christo
其實CLOT同VISVIM搞別注早有先兆，先不論Edison對藤原浩的擁護度，單是上年Edison在其BLOG公開放上穿上紅色版Christo的相，就知道兩大品牌crossover並非奇事。不過Edison此相一出，即時傳聞多多，有fans拍到街上有潮人穿着，然後便指是CLOT的staff專用色，一人只得一對，之後YAHOO拍賣場亦不斷有紅色Christo的post，炒價更直線升到萬二，炒價比正價貴出不止一倍，到正貨真正出街，不知道炒價可會再升。不過這對由Edison創作，fragmentdesign的倉石一樹設計，再由VISVIM製作的別注一再延遲推出，真的令到fans等到頸都長，但結果完成品並沒有令到潮人們失望。單是原來鞋上的扣位，由黑色變為金色，感覺就很突出。以Christo作藍本，再混合絲綢料，顏色更一色到底，連鞋底都同鞋身同色調製作，感覺比混色更連貫，除了黑色，其餘三色連VISVIM的自家出品亦未曾用上，更顯今次別注品的特別。
紅版ROYALEVISVIMCHRISTO$2,680（推出日期待定）
一度比喻為Edison團隊的專用色，fans的期待度及炒價都是四色中最高。
黑版ROYALEVISVIMCHRISTO$2,680（推出日期待定）
黑版就是四色中最低調的一對，但配上金色扣咁搶眼，炒力亦非同小可。
藍版ROYALEVISVIMCHRISTO$2,680（推出日期待定）
論圖案清晰度，就藍色最突出，追求別注牌，當然不能錯過凸顯圖案的款式。
黃版ROYALEVISVIMCHRISTO$2,680（已發售）
四色中的第一擊黃色已隆重上架，這個色系同時會於Edison的上海潮店ACU發售。
抄㗎仔推網上限定
身為追隨潮流的中堅分子，每日必上網瀏覽買物誌，逛逛兼留意最新潮流情報。網站很多都附有onlineshop，更不時會與潮流品牌推出網上限定潮物，只可惜身在香港的潮人多數得個睇字，因為這些筍貨多數在日本網站出現，只限日本內陸發售，最後只可以捱炒價。今日，網上限定風終於殺到香港，CLOT網站重開後，由本來只提供潮流情報及日誌外，再添加onlineshop，推出自家網上限量產品。Onlineshop的第一擊就是CLOT的限量Tee，有曾經半個鐘就賣斷巿的BUSINESSASUSUALTee，今次網上限定就會推出灰色加閃字，而剛推出不久的APOSTLE及RainbowC就會賣白色及粉紅色限定版。除了Tee，玩具亦是最令人期待之作，CLOT×3MixxHow2work合力製作的12吋「CLOT紅兵」，是奇兵fans必搶item，不過無論tee及figure限量數目都未有公佈，據知數量極少，想搶得心頭好，似乎要多加留意網站公佈。
綠版早已斷市，紅版就成為CLOT的首派網上限定，由本地曾設計奈良美智Figure的單位How2work及3Mix製，盒上還特別附上CLOT木紋貼紙，證明CLOT獨有。
CLOT×3Mix×How2work12吋「CLOT紅兵」$880（網上限定版）
白色APOSTLETee$480（網站限定版）
APOSTLE是信徒之意，而石像的手亦做成代表CLOT的C字手勢。
JUICEStore（28810173）
銅鑼灣百德新街53號海德大廈2樓A室
Clot網站： http://www.clotinc.com
網上限定日本最盛
日本網誌玩網上限定都非最近的事，好多更係潮人購物熱點，好似zozotown等，以下係其他出名日網介紹。
babekubcity
由MedicomToy一手包辦，專售賣網上限定版潮貨，主力玩具，其限量品連日本潮店都沒有得賣。
http://www.babekubcity.com/top.command
honeyee
藤原浩主理網站「www.honeyee.com」，其onlineshop可以買一到一些未推出或罕見品，係潮人必到的購物網誌。
http://store.honeyee.com/
