「玩具大王」蔡志明千金蔡加怡，昨日與堂兄蔡加頌以仁愛堂總理身份出席活動，吳日言以大使身份兼任大會司儀。蔡加怡透露胞姊加敏已上班，她說：「佢前日開始返番工，唔返工好似唔安樂。」
已改中文名
問到姨甥女Chelsi的近況，加怡笑說：「BB好得意，中文名已經改咗，留番畀家姐講。我每一至兩個禮拜就會探佢，佢𠵱家13磅，係一個巨B，大得咁快，好難買衫，所以成日幫佢shopping，我自己都唔敢抱，因為骨頭都未實。」問她會否有結婚生BB的衝動，她說：「唔會，玩住Chelsi先。」
此外，吳日言透露日前左耳出現問題，她說：「成隻耳仔塞咗，之後用棉花棒清潔，更加令到隻耳仔八成聽唔到，失聰咗一日，嗰日去睇急症，由於屬內科所以唔理，之後醫生幫我通水先解決。」
採訪、攝影：LawWaiMan