挽Herm囗s袋　保鑣護航
馮仁昭四圍超：超盈高院做暑期工架勢 - 馮仁昭

賭王何鴻燊嘅四姨太梁安琪，日前透露18歲女兒超盈返緊暑期工，前日記者亦都拍到超盈去中環嘅TheSwank時裝店，揀選偏成熟嘅服飾，原來因為超盈𠵱家喺高等法院任職法官秘書，難怪要刻意打扮成熟。
賭王日理萬機，一班何家子女含住金鎖匙出世，實在無比幸福。雖然超盈肯出去打暑期工捱世界，由低做起，但佢返工有司機接送，仲有保鑣護航，一樣架勢。
噚日超盈如常到高院上班，傍晚6點放工後，佢即刻戴番副黑超，會合一名女友人坐上七人車，由太古廣場去太子大廈。手挽Herm囗sBirkin袋、着恤衫西褲嘅超盈一身大人打扮，落車時乍見記者連隨報以微笑，表現大方淡定，至於同行保鑣就全程mark實，為少主護航。

做法官秘書

在場記者問超盈係咪喺高院返工？佢直認不諱：「係，做marshall（法官秘書），跟住法官做嘢。」佢話自己已經返工一星期，至於點解搵到呢份工，超盈就話：「自己寫信面試㗎。」佢為保飯碗，仲叫記者千祈唔好影佢出入法院嘅相片，「唔好喺法院影我呀，唔想咁樣俾人炒，我職位好低微㗎咋。」之後超盈就話約咗朋友，由保鑣護送搭𨋢上樓。