混血名模CaraG.與𡃁模JaniceMan昨日同場行騷，齊齊示範以水果為題的時裝，CaraG.以士多啤梨造型的性感bikinitop示人，JaniceMan的藍莓背心裙look，即顯得很錫身。CaraG.笑言曾把自己鋪滿草莓及朱古力作情人節禮物，色誘男友Jesper，大膽尺度直迫《色慾都市》中Samatha的壽司look。
混血名模CaraG.、𡃁模JaniceMan（文詠珊）、「四葉女」趙碩之和「長腳蟹」呂慧儀，昨日齊齊穿上以水果及貨幣為造型的時裝，在尖東海濱長廊行騷，吸引大批市民及「龍友」圍觀。當中CaraG.的士多啤梨bikinitop性感造型，搶盡風頭，藍莓背心裙的JaniceMan頓覺十分錫身。
投訴衫永遠最細
一向鬼妹仔性格的CaraG.顯得有點尷尬，她笑着投訴說：「啲衫係大會安排，次次件衫都係我最細件，唔公平，搞到我都有少少尷尬。」記者笑她有否模仿《色慾都市》（SexandtheCity）中Samatha的壽司look，與男友作閨房樂，她即笑笑口說：「呢個係秘密，不過有一年情人節，我全身鋪滿朱古力同士多啤梨做情人節禮物，送畀Jesper，係最好情人節禮物，放喺我身上梗係好味啲。」記者笑她身材好，她即笑說：「你哋見到Jesper嘅身體，仲會覺得好味。」
JaniceMan百萬富翁
此外，JaniceMan近日工作不斷，她透露計劃置業，她說：「𠵱家勤力儲錢想買樓，已經儲咗一年，因為第一次買樓，唔想有太大壓力，自己心目中想買五、六百萬嘅樓，加上自己個人需要安全感，所以想儲到一半以上先買，唔使供得咁辛苦。」問她有否一百萬儲蓄，她說：「接近，不過平時都要畀家用，我中五開始已經冇零用錢，𠵱家仲要畀家用屋企，養屋企人係應份。」
採訪：LawWaiMan
攝影：DickyChan
