上季帶領米爾頓凱恩斯拎英乙冠軍嘅恩斯，已經跳槽去布力般流浪，但估都估唔到接手呢隊英甲「升班馬」嘅人有傳會係廸馬堤奧！雖則廸馬堤奧完全冇教波嘅經驗，但話晒佢都係意大利近代嘅名將，仲喺車仔經歷過一段風光日子，𠵱家淪落到要去英甲教波，我求大俠都戥佢有啲唔抵喎！做生不如做熟，返意大利睇吓有乜筍工做好過啦！