陳法拉出道以來是非不絕，近日又被指由於形象欠佳，遭廣告商嫌棄壓價，前晚她跟一班無綫劇集《溏心風暴之家好月圓》演員出席慰勞宴，她自言行得正企得正，對得住天地良心，故不相信被壓價，她又不覺自己形象差，自言不會為傳聞而改變自己。
無綫劇集《溏心風暴之家好月圓》一眾台前幕後人員，前晚在將軍澳鴻星酒家出席慰勞宴，今次由「四大美人」李香琴、李司棋、關菊英和米雪夾錢筵開八席，出席藝員有陳法拉和鍾嘉欣等。
指尹佬身體OK
席間陳法拉被問到有周刊指她形象欠佳，故被廣告商嫌棄，慘遭壓價，陳法拉對此說：「我唔知喎，每個月出糧會包括晒人工、騷錢同廣告錢，全部工作係公司幫我接嘅，公司好有規矩，以我所知就冇俾人壓價或者減價。我都唔覺自己形象差，所以唔使挽回形象，啲觀眾明白乜嘢係事實同八卦新聞，我自問行得正企得正，又冇做違背良心嘅事，向來我都係乖女，我唔會為傳聞而改變自己，做藝人最緊要夠專業。」
米雪剛從安徽九華山回港，此行是跟師傅以及300名佛教徒參與佛教活動，並謂當時她跟師傅有三步一叩。談到其男友尹志強被人影到暴瘦的照片，故傳出他癌病復發，米雪說：「唔係咁㗎，只不過係張相影成咁，佢之前都肥肥哋，佢身體OK㗎，唔係外傳到咁，尹佬好大量，對呢啲傳聞一笑置之，唔會叫佢增肥，佢好好呀。」
李司棋忙陪姊夫
李司棋則自言今次請客是四大美人出錢，她說：「其實大家好忙，時間好難就，我呢排都有啲私事，因為姊夫生日返咗嚟香港玩，好多屋企人都返咗嚟。」
採訪：王崇穎
