余安安和童愛玲等昨日在海港城，出席瑞士護膚品牌Bioxil的宣傳活動，安安更獲大會終身贊助，同場分享她的護膚心得。安安透露大女文琪現於律師樓實習，她說：「個女又要返工同考試都好辛苦，遲啲會送個trip畀佢。」問到囡囡的收入會否奉獻，她笑說：「等佢自己儲起存入銀行，我都有個女戶口嘅密碼，可以幫佢投資。」
囡囡男友要過目
問會否教女兒不要投資在男人身上，安安說：「冇，小朋友成長過程中，愛情係好重要，唔會畀負面佢知，不過會教佢識得保護自己，同埋enjoy愛情，個女嘅男朋友我一定見過。」
童愛玲自言一家都十分注重美白，她笑說：「平時都幫囝囝搽防曬，佢去旅行仲要帶遮，搞到佢俾人笑，老公平時出街都要佢搽。」
採訪、攝影：JessicaNgan