英超嘅富咸去季護級成功後，領隊鶴臣已準備重組隊波，諗住趁塞內加爾前鋒卡馬拉仲有些少價值（佢來投時身價達600萬鎊，打個7折仲有420萬鎊），盡早將佢賣走套現。殊不知噩耗傳來，卡馬拉早排為國家隊比賽而整傷膝頭，經檢驗後好可能要唞半年，今夏固然甩唔到貨；就算明年初好番，亦冇人敢買啱啱好番嘅佢。鶴臣個如意算盤難打響囉！