張栢芝自從捲入淫照風暴後，逾80日以來近乎全線停工，其夫婿謝霆鋒日前接受電台訪問，指栢芝擔心他太辛苦欲接戲幫補家計，但霆鋒揚言「如果為拍戲冷落咗個仔又點算呢？」明示栢芝最好少曝光，多湊仔。碰巧有傳栢芝會在劇集《水滸》中飾演潘金蓮，相信未必能過到霆鋒這關。
淫照風暴今年1月爆發後，張栢芝除了曾拍攝已被抽起的內地洗陰液廣告後，工作早已全線停頓，由丈夫謝霆鋒獨力肩負家庭經濟和面對輿論壓力。日前霆鋒接受商台錄音訪問，重提淫照風暴時，他繼續裝輕鬆，但言語間勸喻老婆還是全職湊仔比較好。
死撐上半年冇風雨
訪問期間，霆鋒為過去半年的風雨下總結，霆鋒說：「好順利，冇風冇雨，算好啦，仲想點？如果講風雨，我只會想起之前發生嘅天災，總之我非常多謝大家關心，我好四平八穩。」至於會否追多個小朋友，霆鋒表示由上天決定，他自言小時候身體很差，故現在很慶幸兒子Lucas身體健康，現時10個多月大的Lucas已懂得行路，雖然還是講BB話，但已懂得叫他「爹爹」。
問到栢芝會否復出？霆鋒則說：「每次有新劇本佢都會問我，我覺得就等佢揸主意，但都會問佢拍幾耐？同邊個拍？喺邊度拍？講到尾佢想做嘢都係因為驚我太辛苦，但係以佢媽咪嘅身份，如果為拍戲冷落咗個仔又點算呢？」
提到胞妹謝婷婷有意加入娛樂圈，霆鋒竟稱不知情：「如果一個人好堅持、有恒心，佢睇住父母同阿哥喺呢度又笑又喊嘅經歷都想入，咁我都當佢係一個大人，我好proudof我細妹，因為佢唔係吓吓伸大手板問人攞錢。」有傳去年霆鋒將以5,000萬買入的淺水灣獨立屋以8,000萬元放盤，問他是否賺了3,000萬？霆鋒說：「係賣咗，我仲還緊㗎。」昨日記者致電問霆鋒為何要還錢？其助手聲稱霆鋒只是說笑，並說：「佢話邊有賺到3,000萬吖。」
「佢老公叫佢湊仔先」
此外，昨有內地報道指栢芝將演出新版《水滸》電視劇，並飾演潘金蓮，昨日記者致電栢芝經理人周小姐，她即時否認說：「冇呢件事，呢個劇冇人聯絡過我哋，而且栢芝唔會接劇集，因為時間太長，又唔喺香港拍，佢𠵱家專心湊仔，佢又唔使為錢頻撲，佢好開心咁享受生活，佢老公都有叫佢湊仔先，我諗今次係有人想借用栢芝名氣宣傳。一路有好多人搵栢芝做嘢，不過都推晒，因為佢要考慮導演、地點、時間同劇本。」
採訪：駱華齡、葉雪