方力申前日在西貢落水拍攝廣告，導演找來日籍女模特兒山本優希穿上比堅尼泳衣陪伴方力申一同演出，雖然山本身材甚有睇頭，方力申還攬着她親密合照，但他表示山本很快就離港，二人有緣無份。
今次是方力申（Alex）第二年擔任某品牌手提攝錄機的代言人，前日傍晚他到西貢成豐片廠拍攝廣告，除了他之外，導演找來日籍女模特兒山本優希一同拍攝。廣告中二人要落水拍攝，山本穿着比堅尼泳衣上陣，身材甚有睇頭，相反Alex卻穿上白色短袖tee和滑水褲，比山本更加密實。
沙灘跑步
雖然山本以性感造型和方力申合作，但Alex全程都不敢正視山本。由於山本不擅水性，所以她在泳池中要借助水泡，當他們在池邊拍攝時，Alex甚有風度協助山本，不過他也只是拉她的水泡。Alex表示：「其實四點鐘天未光已經去咗沙灘拍我哋跑步嘅鏡頭！」記者笑言他豈不是看清楚山本胸前碧波蕩漾的場面？Alex即說：「我跑喺佢前面，乜都睇唔到，我跑緊都一樣幾蕩漾㗎！」
酬勞加碼
方力申表示今次產品的銷量理想，故此廣告商再度找他做代言人拍廣告，而且酬勞加碼，至於今年找來山本和他一同拍攝，Alex表示都是第一次和對方見面，問到他對山本印象如何？Alex謂：「第一次見冇乜留意，不過我知佢係第一次嚟香港，當佢知道我初戀女友係日本人，佢就好緊張。」問山本知否他是香港的「飛魚王子」呢？Alex聞言笑說：「我諗佢唔知，冇理由第一日見面就講晒自己啲嘢出嚟，保持神秘感好啲，不過佢好快走，我哋有緣無份。」
採訪、攝影：馬建華
