莎莎（178）今年成立30周年，咁啱莎莎創辦人郭太羅桂珍噚日攞到「傑出女企業家大獎」，頒獎禮會喺下個禮拜二舉行，郭太可謂雙喜臨門。
呢個獎由香港女工商及專業人員聯會頒發，三年一度，表揚一班女性嘅創業精神，之前三屆攞到「傑出女企業家大獎」嘅都係有份量女性，第一屆（99年）有船王長女蘇包陪慶、第二屆有聯想（992）非執行副主席馬雪征、上屆就有蔣震女兒、震雄集團（057）行政總裁蔣麗婉，同著名香港時裝設計師譚燕玉（VivienneTam）。
講到創業精神，莎莎30年前仲係一家喺細商場裏面，得40平方呎嘅化妝品櫃位，就喺郭太頂個櫃位番嚟做開始，佢嘅創業故事，成為咗好多女性努力嘅目標，若然唔係，香港各界婦女聯合協進會主席林貝聿嘉又點會提名佢。