「死喇，好肚痛呀！」「吓！你係咪生得呀？」「唔似喎！」「係咪有規律地陣痛呀！」「好似係又好似唔係……」「去醫院啦！」「都唔係下腹痛，返屋企睇定啲先啦！」在我一再堅持下，老公還是和我先回家。回到家，我第一時間去冲凉，好好彩，這次的痛只是有風入肚引起，BB事實未夠鐘出世，我一直痛也一直跟BB說一定要到7月才出世。
不過這一次痛，提醒了自己要檢查早在一個月前已準備好的走佬袋。對，走佬袋裏是一切入院的裝備，包括睡衣、日常用品、即棄網褲、床墊等，不知還有沒有甚麼遺漏，不過就算有，醫院離家不遠，叫老公帶過來也不會太麻煩吧。但有一樣則要從今起天天帶着：入院信。因為有沒有床位都靠它了。來到這一刻，當知道BB隨時出世，好緊張，時間真的好快，轉眼間就快10個月了，但，這9個月的陀B生涯，其實我覺得好幸福好快樂，BB出生一刻，我想，我會更幸福！
個人資料
大肚Polei：
結婚年幾，從前唔恨亦唔想生仔。因為怕痛怕煩怕地球好快會末日。突然身邊幾個朋友玩大肚，突然心血來潮好想做媽咪。