處身二十一世紀嘅我哋，已知愛美絕非女人專利。由大學始小記身邊已有很多男性朋友都很愛美，但從來都不覺他們「Gay」之餘，更十分欣賞他們，覺得這是整潔、會照顧自己的表現。在娛樂圈打滾了近十年的黃浩然自有他一套「美男計」，所以咁多年都Keep到皮膚健康，真係恨死隔籬！
記者：陳諾堯
攝影：林栢鈞
場地提供：HipCafe（21603009）
日飲12杯水
出道以來，黃浩然給小記的印象都是美男子一位，連皮膚都一樣高質素，古銅有光澤。一問到護膚有幾重要，果然一口就答：「男士護膚就等同於冲凉，是個人衞生，絕對唔可以缺少！」小記覺得他萬二分「政治正確」！「我好注重自己皮膚嘅Condition，每日飲8-12杯水，屋企人又會一星期煲幾次滋潤養顏湯水，一星期做3-4日運動，都係做Gym或者游水，出一身汗之後，再去冲凉護膚，的確覺得皮膚滑啲健康啲！如果大家唔想用太多空餘時間去護膚，最好就係將洗面磨砂用品放喺浴室，冲凉護膚一Take過。」
為雙眼叉電
護膚同拍戲一樣，追求一Take過，皆因一個忙字。「好多時我冇咁多時間做晒所有步驟，所以我鍾意用清楚男士需求、又快又有效嘅護膚品。我對眼易腫同唔夠水份，覺得BiothermHighRecharge眼部精華個走珠筆頭幾好，又方便攜帶，搽喺對眼好似即刻精神晒。」浩然仲有個私家Tips：「我入行第一日方中信就教我，每朝飲杯齋啡，當然食早餐時飲就無咁傷胃，會幫助消面口水腫，上鏡會好睇好多。」
HighRechargeEye$320
有效改善眼睛疲勞、幼紋、黑眼圈和消除眼腫。
No.1清潔走唔甩
作為幕前演員的浩然，周不時都要上妝示人，所以每次落妝清潔都好緊要。「要令皮膚好，最基本就係洗面，唔清潔好，搽咩上去都係冇用，到時只會又嘥錢又嘥時間。除用CleansingGel之外，仲要每星期用2-3次磨砂，去咗啲角質，皮膚會更加光滑，更吸收。仲有就係唔好懶，一定要洗完面用爽膚水，因為少咗呢個Step就已經差好遠。」
CleansingGelForNormalSkin$195
有效潔淨肌膚，去毛孔污垢，同時收緊毛孔。
AquaticLotion$230
可舒緩、保濕和令皮膚清新。浩然話唔好懶用Toner，只要輕輕在面上拍幾下，唔會嘥好多時間。
查詢：Biotherm（21968206）
CoolMen'sTalk
1.連凱：「我最想搞好魚尾紋，做呢行瞓得少，眼一亁就會好易有幼紋。我係一個3分鐘先生，每日一定要搽眼霜、面霜同Firming嘅護膚品先得。」
2.鈴木仁：「靚仔先會多人鍾意，我近呢幾年都開始講求護膚，Toner同Lotion一定唔少得！」
3.黃宗澤：「如果有Job嘅話，我平均一日會護膚4次，清潔係最重要，由細細個開始都會偷媽咪啲護膚品用，從來都覺得皮膚健康人先會靚，知道我對護膚有心得，身邊嘅朋友都會問我邊隻好用，我自己就最鍾意用EyeGel，係每日都唔可以缺少嘅一環。」
4.孫耀威：「我護膚就最緊要快、靚、正，好多時都會去做Job前喺車度做EyeMask。」
