蘋果批Online
Click入http://pie.appledaily.com收看
歡迎透過web-cam即時發表意見或致電29908648安排親身上場
電郵：mailto:[email protected]
網誌：http://pieatapple.wordpress.com
回歸十一年，香港政治生態越來越畸形，特首寶座變成三煞位，官僚施政只講求「政治化妝」，政客則盡情民粹，以政治交易代替理念……問題嘅源頭，市民心中有數，所以昨日再一次走上街重申對民主普選嘅訴求……主持：高明輝
1
最近副局長引發嘅政治風波，反映香港政治體制出現咗乜嘢問題？
壹傳媒創辦人黎智英：
我諗主要係冇民主。冇民主，政府就可以目中無人，自把自為，我諗最主要係呢個原因。
前立法局首席議員李鵬飛：
副局長事件唔夠透明，香港市民好難收貨。
大專任教黃先生：
好明顯係冇民主嘅制度之下政府嘅所作所為，唔能夠受到議會監察、民眾嘅監督。
2
回歸已經十一年，回想當年，有冇想過香港民主進程會咁慢？
立法會議員李柱銘：
回歸嗰晚我已經好心噏，點解要我哋等十年，要2007至有民主呢？點知𠵱家十一年嘞，都仲係得個等字，而且到2017年都唔知係乜嘢民主，分分鐘係假嘅民主……（感覺）好無奈。
黎智英：
冇人估得到。（基本法）應承咗07之後有，𠵱家都未有，係令人好失望，𠵱家咁多人上街，就係呢個原因。
退休人士溫先生：
我估到佢咁慢嘅，因為佢（中央）唔會放心你香港人嘅。我反而奉勸中央啲領導人放心，香港人係有理性嘅，應該係自己識點做，唔會搞亂檔。
3
作為市民，你呢一刻想同特首曾蔭權講乜嘢？
立法會議員陳方安生：
市民應該同特首講得好清晰，就係我哋需要有民主，政府要受監察。
黎智英：
盡自己責任囉！（曾蔭權）自己嘅歷史責任，就係點樣推動民主。呢個係基本法賦予我哋香港人，你係有責任去做呢樣嘢。做唔到呢個歷史責任，你就係失職。
事實上，曾蔭權經常掛在嘴邊要堅守香港核心價值，但目前嘅政制就令市民無法以選票表達所認同嘅價值，官僚權力冇議會有效咁去制衡，民粹議員又不需為錯誤負責，長此下去，又點可能保衞到我哋嘅核心價值？
