容祖兒（Joey）早前舉行了「StarLight容祖兒演唱會」，日前推出個唱影音專輯，香港銷量接近60,000張，獲得雙白金的銷量，Joey昨日在紅磡舉行祝捷會，筵開十席邀請三電台及無綫高層到場，當中包括無綫的樂易玲和何麗全等。對於早前在演出時不慎扭傷大腿內側，Joey表示她下半年會分別到美加、澳洲、澳門及上海做巡迴演唱會，故希望腳傷可盡快痊癒。
未落實是否試鏡
近日有傳Twins拆夥，Joey就說：「傳啫，我最關心係佢哋工作開唔開心，而且佢哋兩個有唔同特點，之前分開拍戲都唔出奇，阿嬌（鍾欣桐）性格既來之則安之，佢都係心急想做嘢，阿嬌走嗰日，我都有sendsms畀佢，但佢上機嚟唔切覆，我9月尾會留喺美國3個星期，如果佢又傾得成部戲，到時就希望可以見到佢啦。」
此外，阿嬌經理人霍汶希（Mani）昨日就再次重申阿嬌今次美國之行主要是與荷李活導演見面及探班，但仍未落實會否試鏡，問到阿嬌會否有機會與陳冠希同處於一個城市時，Mani就說：「美國好大、好多地方，唔關事。」
採訪：駱華齡 攝影：黃偉雄