特區政府昨日公佈7.1授勳名單，演藝界有著名DJUncleRay（郭利民）獲頒銅紫荊星章，還有曾志偉、譚詠麟、MariaCordero（肥媽瑪利亞）、陳好逑及金培達獲頒榮譽勳章。志偉昨日在將軍澳電視廣播城說：「得到呢個獎我最想同屋企人分享，因為同一般獎項唔同，肯定咗自己多年喺香港所做嘅嘢，心情特別唔同，我約咗屋企人今晚食飯，不過仲未同佢哋講得獎。」正在公幹的譚詠麟透過公司表示十分榮幸。
UncleRay不言休
肥媽在電話中說：「好開心、好難得俾人認同，我會同老公、仔女同奶奶咁去食飯慶祝，今次得獎我諗係同多做公益慈善事有關。」曾獲英女皇頒MBE的UncleRay則笑說：「等到頸都長，我已經做咗57、58年，我今年雖然83歲，但我會繼續做落去。」金培達在電話中說：「我好開心，有啲受寵若驚，我諗獲獎係之前我攞過國際獎項。」陳好逑也在電話中說：「如果父親仍在生嘅話，一定比我更開心。」
採訪：卓寶花、林妃