眨眼間已過咗半年，全球股市都顯著下跌，蒸發唔少財富，港股都唔見咗兩成，半年結日報收22102，如果係同去年高位比較，更跌咗近10000點，都咪話唔傷。
踏入第3季，股民都會有啲憧憬，希望個市升番上去，實情係咪咁？過一排就知，不過，噚日A股繼續跌，今日港股可能唔多盞，大家要特別留意今朝A股走勢。
中遠C輪1316：中遠（1919）周一收19.04元，升破10日線，會上試20至21元，可以諗吓隻C輪1316，現價18.8仙，槓桿10.1倍（有效3.8倍），正股升上21元，1316可見27仙，正股跌穿18.3元就沽咗隻輪止蝕。