之前大陸股市旺，散戶炒股炒到癲，可能近排跌市，散戶冇乜「勢藝」，所以有股民趁得閒上網搵愛人，兩日內吸引咗十萬人注意。
話說住喺東莞嘅散戶網友曲直人生，上個禮拜喺網易股吧貼咗一則「尋（愛）人」通告，佢要求嘅條件係，年齡22至28齡，有愛心、有孝心，感情專一，對股票有興趣，仲有，要有50萬人仔資金。
開得呢個盤口，咁曲直人生本身又有乜條件先？今年26歲，身高175厘米，職業股民，佢自我介紹：「本人操作風格，中短線為主，能掌控主力莊家的意圖，本人承諾一年之內翻3倍。」佢仲話，由於一直全心研究股市，所以至今單身，佢對股票胸有成竹，欲覓一女孩共創美好未來。