港大女生陳巧文除咗有見識、有膽識之外，打扮都有風格，特別鍾情變種ethniclook。八方噚日喺遊行隊伍中見到Christina，佢粉底都冇搽，只係畫咗上翹眼線，戴咗銀色大圓圈耳環同白色頭箍，着黑色小背心加招牌跌膊白色T-shirt，露出紫紅色bra帶，下身襯牛仔熱褲，清凉又性感。
開咪被監視
一直默默支持愛女嘅陳爸爸噚日陪住囡囡，Christina唔單止遊行，仲推住架車幫民陣籌款，去到波斯富街又幫民間電台做呼籲同為遊行人士打氣，十分熱心。Christina開咪之際，民間電台發現有三部攝錄機擺喺對面街「監視」，阿牛話相信係電訊管理局人員所為。
Christina早前被澳門政府拒絕入境，澳洲之行泡湯，蝕埋張5,000蚊買嘅機票，向航空公司追討，只係獲退款68蚊，勁無奈。Christina今年畢業，已有兩個碩士課程收佢，佢想繼續讀哲學，原因同衣着有關，因為讀政治要修公共行政，成日要着套裝返學，唔係咁啱佢，不過佢話會選讀有關政治嘅哲學課題，好似legalmoralism咁。