之前貝爾斯登因為美國次按爆煲要賣盤，不過，公司唔掂，唔代表員工都唔掂，用低價收購咗貝爾斯登嘅摩根大通，就人盡其才，將貝爾斯登前亞洲區行政總裁JohnMoore，調到摩通，仲開個新職位，等佢長駐香港，睇住全球主權財富基金呢瓣。
要Moore留喺香港應該冇問題，雖然香港空氣差，但01年已加入貝爾斯登嘅Moore，自上年9月被調任為亞洲區行政總裁後，主力擴展亞洲區市場，所以長駐香港基地，照計都適應咗香港嘅空氣。佢當時嗰個都係新開職位，所以今次摩通嘅安排，對佢嚟講可能似曾相識，最緊要唔好歷史重演。摩通話，呢次人事安排，可以睇到收購貝爾斯登嘅好處，就係提升開拓地區及環球業務嘅野心喎。