日前有報道指政府會將部份設於旺角亞皆老街嘅巴士站搬走，並將一段路面劃為全日24小時禁區，藉此改善旺角一帶交通。老實講，我唔覺搬走巴士站可以解決問題囉！係，的確成日有好多巴士喺中線等埋站，但據我同朋友揸車同搭車所見，搞到亞皆老街塞車嘅主要原因，根本就係同的士長期佔用巴士站一帶行車線，令巴士被迫喺中線上落客有關！另外，附近一帶交通燈轉燈時間Set得唔好，加上行車線又可以左Cut右Cut，搞到接近右轉入彌敦道嘅燈位一帶經常擠塞。想徹底改善有關路面嘅擠塞情況，除咗將有關路段劃為24小時禁區外，警方應對違例等候嘅車輛加強執法，而唔係視而不見！
記者：丹尼斯