今日係6月最後一個交易日，連同5月在內，港股跌勢已延續兩個月，所以今日半年結，不少投資者都懷抱好大期望，除了期待股海出現粉飾櫥窗效應外，亦希望港股邁向7月可以「翻身」，一洗「五窮六絕」之頹風。
星俠唔知今日收市競價時段會否出現沙塵滾滾場面，但近期市況太波動，散戶入市要好自為之。另外，港交所（388）及證監會亦應做好本份。
短線走勢改善
近期較多留意公路股，其中深高速（548）近日走勢一度出現大成交突破，升破10日及20日線，短線走勢似已築底成功。
瑞銀最近有份報告推薦買深高速，目標價6.32元。因為過去多年的併購，將於08年至2010年開始為公司帶來回報。深高速擁有的17條公路競爭有限，續受惠珠三角經濟增長。今日港股料低開，深高速如守穩4.49至4.53元區域，可伺機買入短炒。