當主持和評述員，整個6月當然完全用來「服侍」歐洲國家盃，但從旁去看，一直都擔心決賽周缺少英格蘭，擔心整個歐國盃的受注意程度會下降，但有趣地在決賽前兩天發覺，大家都已準備好德國及西班牙的世紀大戰。
上個禮拜六到相熟茶餐廳享用早餐，老闆問：「阿丁睇好邊隊啊？」誰知未出口回答，老闆娘便指摘道：「唔好信阿丁啊，8強個陣又話荷蘭會贏。」畀面老闆娘，叫午餐A一向闊佬，少飯多餸，故沒有抗辯。吃飽飯寫好稿，去gym鬆一鬆，健身指導甲問道：「最近轉做主持，少講波，習慣嗎？」我會心微笑，反問道：「真係多謝你捧場喔，咁都比你留意到！」
「阿丁睇好邊隊啊？」
上個禮拜六晚難得放假，去舊伊館睇甲一籃球決賽，觀眾甲又問：「阿丁睇好邊隊啊？」答「西班牙」。接着觀眾乙丙丁議論紛紛，原來大家對兩隊資料入晒腦，決賽睇波唔使聽講波佬，自己講一樣掂。最後盡興在周日凌晨做巴甲直播前，約波友消夜，波友甲乙唱雙簧：「準決賽德國對土耳其個幾個評述員真係大件事，斷訊號咁耐，捱足咁耐，表現都算係咁咯。他們一邊講一邊大笑，最後還問一句：「阿丁，今晚唔會再無訊號啩？」我回答：「無你咁好彩。」
直播風波中吸取經驗
經過一天體驗，原來歐國盃受歡迎程度不俗，雖然在一個月的製作和直播中風波不少，台前幕後工作人員都以努力換取經驗，由努力磨合中產生默契。我大膽說，以一個出世剛逾一年的電視台來衡量，這個6月總算勉強合格吧！
丁偉傑
nowSports足球評述員