電影《花樣男子Final》噚日喺日本上映，女主角井上真央率領「F4」松本潤、小栗旬、松田翔太同阿部力等到東京一間戲院造勢。拍過兩輯劇集嘅《花樣男子》，喺電影版正式畫上句號。全場觀眾大叫好唔捨得，而扮演杉菜嘅井上亦話要同角色分開，覺得非常寂寞喎，導演石井康晴就提議佢哋40歲時再開拍《花樣男子40》，井上真央同松本潤都即場點頭話好。