歌唱比賽出身嘅「游水」雖然唱工有番咁上下，但講到樣貌同身形，就似乎輸蝕咗啲。關仁知道游水喺出道前已經去搵整容醫生執吓個樣，尤其係嗰個連佢都睇唔順眼嘅鼻，因為個鼻大得滯，完全唔合比例。
整到唔認得
游水問過公司啲人，希望將個鼻整細啲，但係佢公司好迷信，話有個高人講明游水要靠個大鼻先可以走紅，結果公司叫佢諗都唔好諗，下令禁止佢整細個鼻。
就係因為個高人嘅指點，游水先至保得住佢個巨鼻，不過關仁睇睇吓，都覺得佢個鼻其實唔係咁礙眼啫！雖然望落去個樣有少少缺點，但係勝在夠自然，好過佢個同門師姐咁，整到個樣連阿媽都唔認得啦！
Textby關仁
