花旗股市好唔掂，個零月已經跌咗成2000點，成個格局係熊市反彈完再大插，後市肯定NoEyeSee。
花旗經濟唔掂，又有通脹威脅，問題唔係一時三刻可以解決，美股跌得咁急，其他股市好難唔受影響，但係睇遠啲嘅話，就要考慮資金流向，一定有市場會受惠，諗得到就有大把賺錢機會。
中海發展C輪7694：中海發展（1138）上周五收22.6元，跌1.5%，但近排股價第3次守穩250日線回升，短線可以試23.5至25元，買少少7694博短線，隻輪收41仙，有效槓桿3.4倍。正股升上25元，7694可見57仙，正股跌穿21元就沽咗隻輪止蝕。