上個禮拜六，大陸財經雜誌《新財富》喺深圳舉行第二屆「最佳本地投資銀行」，同埋第四屆「金牌董事會秘書」嘅頒獎禮。
今次最佳投行係由機構投資者如基金經理、投資總監同研究總監等，以及上市公司董事會秘書投票得嚟。
第一名係中信證券，擊敗第二名、內地市場佔有率排第一嘅中金公司，中信證券先後幫過工銀（1398）、平保（2318）同國航（753）等公司在內地上市。
頭三位嘅中信、中金同銀河都係以北京為總部，單係中金舊年擔任上市公司保薦人融資得嚟嘅資金，已達3800億銀人仔，佔中國企業上市集資額三分二，至於排第四同第五嘅申銀萬國同國泰君安就屬於上海派。
內地最佳投資銀行
‧第一位：中信證券
‧第二位：中金公司
‧第三位：銀河證券
‧第四位：申銀萬國
‧第五位：國泰君安