名人子女放暑假，喪玩喪蒲以外，都有其他選擇。寇鴻萍的19歲女兒唐貝詩今年就決定密密做善事，幫心晴行動、海外學生仁濟夜做義工和搞慈善生日派對，她更與朋友籌辦LocksofLove助癌病脫髮病童籌款，為10萬元不惜剪去10吋頭髮。
寇鴻萍現年19歲的女兒唐貝詩去年暑期ball場爆出，今年暑期，她甫回港就密密亮相及搞活動。唐貝詩前晚先陪母親看電影《街頭超人》首映，昨日在奧海城出席海外學生仁濟夜2008誓師大會，與林建名女兒林煒珽一起籌款，之後又到尖沙嘴出席老夫子45周年展覽。
生日收費賑災
唐貝詩說：「啱啱返嚟一個星期，我想接少啲jobs，因為喺英國要讀書，放暑假想享受吓玩吓，之前接得太多jobs，媽咪幫我叫高咗個價，加咗幾十個巴仙，身價高咗。」她謂回港後，要幫母親搞酒吧，又有連串charity，除了為心晴行動做義工，又籌備她20歲生日慈善派對，她說：「7月10日會搞個生日party，為四川籌款，每人收300蚊入場費，希望籌到五位數字啦。」
其中一個名為LocksofLove的慈善活動，唐貝詩與朋友仔SabrinaLeung合作，為患癌或其他疾病引致脫髮的兒童籌款，今個暑假會搞clubbing活動，希望籌到10萬元，她倆更會為慈善剪去10吋頭髮，對此唐貝詩昨日在電話訪問中說：「我哋過幾日先再開會，都未清楚係籌夠錢先剪，定剪頭髮換善款，所以要等開完會決定。」問她可捨得一頭長髮？她說：「未知呀，要剪到嚟先知。」
暑期工冇錢收
至於林煒珽就在父親林建名的公司返暑期工，間中要返內地巡酒店及廠，她說：「返office好唔慣，朝九晚五，我有時差，一遲到就俾爹哋鬧，因為佢好準時。」她又謂暑期工只有零用錢，沒人工收。
此外，有份出席老夫子活動的王友良，被問到與賭王何鴻燊女兒何超盈拍親密照，他說：「大家係朋友，我哋唔係咁熟，平時冇乜出街，太誇張喇，只係影咗張相，係社交禮儀。」。
採訪、攝影：JessicaNgan、LawWaiMan