麥當娜（Madonna）日前下定決心同結婚七年嘅基里奇（GuyRitchie）攤牌離婚，據知基哥雖然口頭上答應，但為一班仔女，佢已經由倫敦飛到紐約箍煲，希望盡最後努力同正喺當地綵排演唱會嘅娜姐挽救婚姻。不過就有英國報章影到娜姐日前外出時，手上冇戴婚戒。雖然娜姐日前已聘請咗曾替保羅麥卡尼打離婚官司嘅大狀負責離婚事項，但娜姐同基哥都唔想打官司，希望可以私下和平解決。