曾志偉、林敏驄和方力申等，前晚到將軍澳電視廣播城錄影《勁歌金曲》，當志偉和阿驄合唱時，志偉頻頻甩嘴，他惟有以笑遮醜，他說：「我係第一次以歌手身份出席《勁歌》，我有諗過甩底唔嚟，之後又走去搵監製想對嘴唱歌，但監製一視同仁，要我唱現場，記歌詞真係好難。」
無綫明益阿驄
記者笑言譚詠麟同樣經常甩嘴，志偉坦言自己情況比他更嚴重，曾試過登台時發台瘟，所以他自言不能做歌手。當晚林敏驄的《不見不散》成為冠軍歌，無綫擺明益他。
另外，方力申表示新碟在趕錄中，因為8月要到北京採訪奧運，問他最想訪問那位運動員，他坦言：「啲運動員多數睬女仔，男仔做訪問蝕底啲。」小方透露有機會和鄭裕玲合作，問他有沒有做好準備工夫？他笑言：「錯就梗，惟有買定禮物送畀佢啦！」
採訪：楊潔雯 攝影：林德雄