有線的驕陽音樂今年將會力捧新人周吉佩(吉吉),吉吉參加音樂比賽取得亞軍而有機會成為歌手,他現時更於有線主持音樂節目《線動真音樂》,至於他的處男專輯,將於8月中推出,而他首隻主打歌曲《家教》亦已派了台,原來這首歌是他送給已逝世的父親,他說:「我自細喺單親家庭成長,父母好早就分開咗,所以我同爸爸嘅感情一直好好,就好似朋友一樣,但佢喺幾年前就離開咗我,我真係好唔捨得佢,亦因為佢嘅離開,令到沉淪嘅我立心要出頭,希望可以做好音樂送畀爸爸。」
自信夠實力
現時只得21歲的吉吉,已為自己未來訂下目標,他希望可以做到偶像陶喆的成就,亦計劃給自己四年時間在樂壇發展,他說:「我會畀四年時間做好唱片,之後就會嘗試拍戲,自己唔擔心因為喺有線而比較輸蝕,我覺得要有實力先得,對自己要有信心,如果冇信心就已經輸咗。」
採訪、攝影:駱華齡