對德國人嚟講，睇波當然大過天，傳統德國車廠BMW（寶馬）亦深明呢個道理，好似前日國家隊對土耳其嘅準決賽，佢哋喺呢日畀員工放有薪假期，等班下屬可以專心睇波。據車廠公佈，呢次停工一天，車廠就減少生產接近一萬架寶馬，數字真係幾誇張。𠵱家德國殺埋入決賽，一個唔覺意攞埋冠軍，舉國歡騰，到時車廠咪又停工？