九巴新抱雷林靜怡昨日與鄭融、馬詩慧和伍詠薇等,在中環出席Lola化妝品與兒童癌症基金活動。雷林靜怡左手手踭位包着類似繃帶的護踭套,更有陣陣跌打藥味,她說:「係呀,抱小朋友重得滯整傷手,睇咗醫生,不過我唔想敷藥,𠵱家紮住佢係保護個骱位,唔好畀佢再傷。」
轉吃有機食品
雷林靜怡與夫婿雷兆光育有一子兩女,原來子女爭抱抱出事,她說:「因為佢哋幾個都要抱,抱一個,另外啲又呷醋,咪一齊抱囉,咁就出事。」何不分給爸爸抱?她笑說:「佢哋需要我多啲。」她又指為了子女健康,現時仔女全部轉吃有機食品。
此外,鄭融透露近期工作多與慈善及公益有關,令她心情甚好,下月更與一個失明女歌手合作。
採訪:LawWaiMan
攝影:WongWaiHung