富貴於我如浮雲嘅超人李嘉誠，一向支持教育，歷年捐咗唔少錢畀大學，獲唔少著名學府頒授博士學位。噚日，超人以汕頭大學校董會名譽主席名義，出席汕大08年畢業典禮，不過今次佢唔係獲頒博士學位，而係向23名博士生頒發畢業證書。超人不嬲都好支持汕大，話晒係自己鄉下，咁多年嚟總共捐咗超過31億港銀。